26 кастрычніка для вучняў другіх класаў была праведзена  літаратурная гасцёўня “Я беларус! Я нарадзіўся на гэтай казачнай зямлі” .

          У пачатку мерапрыемства для стварэння неабходнага эмацыянальнага настрою пад гукі песні “Спадчына” на словы Я.Купалы ў выкананні ВІА “Песняры” на выставе кніг беларускіх пісьменнікаў (Якуба Коласа, Янкі Купалы, Ніла Гілевіча, Максіма Танка, Васіля Віткі, Авер`яна Дзеружынскага) вучні знаёміліся з паэтычнымі творамі беларускіх пісьменнікаў, разглядалі  фотаздымкі беларускіх краявідаў.

У рамках мерапрыемства вучні прынялі ўдзел у бліц-турніры знаўцаў роднага краю. У час гульні “Беларускія друкары” дзеці з вялікім захапленнем  на рознакаляровых лістах “друкавалі” ветлівыя словы, якія потым дарылі гаспадарам літаратурнай гасцёўні.

Вучні паказалі сваё майстэрства ў конкурсе чытачоў. Пераможцы былі ўзнагароджаны дыпломамі: Бабак Дар`я, Пухаленка Арсеній, Бабіцкая Марыя, Падголін Мікіта, Даніленка Настасся, Андрэенка Іван, Асмалоўская Усціння, Залуцкі Кірыл.

Можна з упэўненасцю  сказаць, што сустрэча с творамі беларускіх паэтаў не пакінула абыякавым ніводнага ўдзельніка літаратурнай гасцёўні.