Пятница, Ноябрь 15, 2019
Text Size

Інтэлектуальная гульня “Хлеб - усяму галава”

 

“Хлеб - усяму галава” - прыказка, вядомая кожнаму з дзяцінства. Сапраўды, хлеб мае вялікае значэнне ў жыцці чалавека. Беражлівыя адносіны да хлеба - гэта даніна нашай павагі да нялёгкай працы тых, хто яго вырошчвае, пячэ.
Мерапрыемства, прысвечанае хлебу, пачалося з экскурсіі на “Дамачай”. Дзеці на ўласныя вочы ўбачылі тэхналогію прыгатавання хлеба, пазнаёміліся з гісторыяй прадпрыемства, яго вырабамі. Даспадобы прыйшлася ўсім прысутным дэгустацыя прадукцыі з хлеба.
А каб абудзіць цікавасць да народных традыцый, 15 лістапада прайшла інтэлектуальная гульня “Хлеб - усяму галава” сярод вучняў шостых класаў.
У гульнёвай форме вучні паказалі свае веды пра хлеб і фальклор.

Подробнее: Інтэлектуальная гульня “Хлеб - усяму галава”

Міжнародны творчы конкурс “На беразе Дняпра”

 

Вучні нашай школы заўсёды імкнуцца прымаць актыўны ўдзел у разнастайных творчых конкурсах, бо гэта адна з найлепшых магчымасцей праявіць сябе, удасканальваючы і дэманструючы свой талент. З 22 кастрычніка быў аб’яўлены ІІІ адкрыты міжнародны творчы  конкурс “На беразе Дняпра”, прысвечаны Году малой радзімы. Асноўнай мэтай правядзення мерапрыемства з’яўляецца павышэнне цікавасці моладзі да вывучэння гістарычнай і культурнай спадчыны сваёй Айчыны.  8 лістапада былі падведзены вынікі конкурсу для вучняў шостых, сёмых і восьмых класаў. Найлепшымі былі прызнаны прыведзеныя ніжэй вершы, у якіх юныя паэты выказалі самыя шчырыя пачуцці любові і павагі да свайго роднага горада. Дакраніцеся сэрцам да сваёй Радзімы!

Подробнее: Міжнародны творчы конкурс “На беразе Дняпра”

Інтэлектуальнай гульні “Мова”

Не проста ў словы я гуляю - 
На мове роднай размаўляю… 

Мікола Мятліцкі 

       Што такое  мова? З  аднаго боку – гэта  сродак зносін, з другога – прыкмета ідэнтычнасці і самабытнасці нацыі.  Мова яднае нас у народ, які носіць прыгожае імя – беларусы.  Яшчэ 125  год таму беларускі паэт-дэмакрат Францішак Багушэвіч заклікаў нас, сваіх суайчыннікаў: «Не пакідайце ж мовы нашай беларускай, каб не ўмёрлі! Пазнаюць людзей ці па гаворцы, ці па адзежы, хто якую носе; ото ж гаворка, язык і ёсць адзежа  душы”. Беларуская мова вельмі старажытная. Яна жыве ўжо шмат стагоддзяў. Нашы продкі тонка адчувалі слова, умелі зазірнуць у яго глыбіні.

Подробнее: Інтэлектуальнай гульні “Мова”

У свеце фразеалагізмаў

Мова,

Пявучая родная мова,

Ты - уладарка нявызнаных скарбаў.

Столькі значэнняў, гучанняў і фарбаў

Мае ў сабе тваё кожнае слова.

Аляксей Зарыцкі

 

Пісьменнікі, фалькларысты, лінгвісты называюць фразеалагізмы самародкамі i самацветамі роднай мовы, залацінкамі народнай мудрасці. Веданне фразеалогіі – неабходная ўмова глыбокага авалодання  роднай мовай. Уменне правільна карыстацца фразеалагічным багаццем характарызуе ступень валодання мовай. Граматны чалавек падсвядома звяртаецца да фразеалогіі, а невуч выкарыстоўвае словы-пустазеллі “гэта самае”, “так бы мовіць” і іншыя. У фразеалогіі ярчэй за ўсё выяўляецца багацце, сіла і прыгажосць мовы. А таму ix трэба ўжываць у мове ўмела i дарэчы. Для таго, каб пераканацца, што нашы вучні правільна выкарыстоўваюць моўнае багацце, 18 кастрычніка, у чацвер, сярод вучняў шостых класаў была праведзена інтэлектуальная гульня “У свеце фразеалагізмаў”. Змагаліся паміж сабой тры каманды. Удзельнікі паказалі свае веды ў наступных конкурсах: “Фразеалагічная размінка”, “Знатакі мовы”, “Будзьце ўважлівымі”, “Хто хутчэй”, “Самы артыстычны”, “Загадкавы дух фразеалогіі”,”Самы кемлівы”. Гульня атрымалася пазнавальная і захапляльная. Перамаглі, як мае быць, розум і камандны дух.

 

Подробнее: У свеце фразеалагізмаў

Дзень маці

 

Так, як маці, на свеце ніхто не ўмее

За дзяцей хвалявацца і перажываць.

Так, як маці, ніхто не ўмее на свеце

Немаўлят сваіх песціць, калыханку спяваць.

 

Так, як маці, ніхто цябе не разумее,

Яна словам суцешыць заўсёды ў бядзе.

Ад матуліных слоў цэлы свет харашэе,

Не, ніхто не заменіць, матуля, цябе…

                                     Я.Крупенька

 

На свеце ёсць словы, якія мы называем святымі. І адно з такіх святых, цёплых, ласкавых слоў – гэта  МАМА. “Мама” – першае слова, якое з любоўю і ўсмешкай вымаўляе дзіця!  Мама – гэта слова, якое часцей за ўсё паўтарае чалавек у дзень радасці ці гора, яно – самае пяшчотнае і самае шматграннае. І колькі б нам ні было гадоў, нам заўсёды патрэбна мама, яе пяшчота, дабрыня, клопат і яе парада.

Подробнее: Дзень маці

Сусветны дзень абароны жывёл

Штогод 4 кастрычніка ва ўсім свеце адзначаецца Сусветны дзень абароны жывёл. Гэтая дата абраная невыпадкова, таму што гэты дзень вядомы як дзень памяці каталіцкага святога Францыска Асізскага, які лічыцца заступнікам жывёл. Рашэнне адзначаць гэты дзень было прынята ў 1931 годзе ў Фларэнцыі на міжнародным кангрэсе прыхільнікаў руху ў абарону прыроды. У нашай краіне Сусветны дзень абароны жывёл адзначаецца, пачынаючы з 2000 года. Арганізатары мерапрыемстваў, якія адбываюцца ў гэты дзень, заклікаюць усіх жыхароў нашай краіны да больш асцярожнага звароту да жывой прыроды ў цэлым і  да жывёл – у прыватнасці. Вучням нашай школы было прапанавана таксама далучыцца да Сусветнага дня аховы жывёл, прыняўшы ўдзел у літаратурным конкурсе “Мяккая лапа”, дзе яны маглі напісаць пра сваю хатнюю жывёлу, сустрэчу з ёй, пра сяброўства з маленькімі гадаванцамі, пра любоў да пушыстага-хвастатага ці пра тое, як важна дапамагаць жывёлам, якія апынуліся на вуліцы. 4 кастрычніка, у чацвер, былі падведзены вынікі конкурсу. Журы аднагалосна аддала перавагу вершу “Сапраўдная гісторыя”, які напісала Філіпава Яна, вучаніца 6 “В” класа, узяўшы за аснову рэальную гісторыю са свайго жыцця.

Подробнее: Сусветны дзень абароны жывёл

Падарожжа па старонках беларускіх кніг

 

«Кнігі карысна чытаць усякаму чалавеку: мудраму і неразумнаму, багатаму і беднаму, маладому і старому. А найперш тым, хто мае намер засвоіць добрыя норавы, спасцігнуць сапраўдную мудрасць і навуку», - пісаў Ф. Скарына яшчэ ў шаснаццатым стагоддзі. 21 верасня выпускнікі школы запрасілі вучняў пятых класаў у займальнае падарожжа па старонках беларускіх кніг.  Па традыцыі чытацкая эстафета “Чытаем па- беларуску” прайшла ў школьнай бібліятэцы. Адзінаццацікласнікі падарылі  маленькім чытачам новыя беларускія кнігі і падзяліліся сваімі ўражаннямі ад любімых твораў. Кожны вучань ведае: і ў працы, і ў вучобе, і ў адпачынку кнігі – лепшыя сябры!

Подробнее: Падарожжа па старонках беларускіх кніг

Конкурс “Шчаслівы выпадак”

     Шчаслівы можа быць любы чалавек. Трэба толькі навучыцца адчуваць яго, гэта шчасце. Устаў зранку – паглядзеў у акно, сонейка свеціць, птушкі спяваюць… І настрой падымаецца. Трэба толькі бачыць  і адчуваць шчасце, умець дарыць яго людзям. Яно вакол нас, яно ўнутры нас!

     Пад такім дэвізам дваццатага верасня ў школьнай бібліятэцы прайшоў конкурс “Шчаслівы выпадак” сярод вучняў восьмых класаў. Для развіцця сваіх пазнавальных здольнасцей,  інтэлектуальных уменняў удзельнікі адказвалі на пытанні па мове і літаратуры, гісторыі Беларусі, тэорыі літаратуры, на пытанні жартоўнага зместу; выканалі заданні: закончыць прыказку ці прымаўку, замяніць фразеалагізм сінонімам, падабраць беларускі адпаведнік запазычанаму слову ці наадварот і інш.

     Дзеці засталіся вельмі задаволеныя, атрымалі дыпломы. А  памяць аб цікавым мерапрыемстве захавалі прыгожыя фотаздымкі.

Подробнее: Конкурс “Шчаслівы выпадак”