Літаратурная гасцёўня “Вершы крочаць па планеце”
Слова – радасць, слова – чары,
Вобраз вечна юных вёсен,
Ёсць ты ўсюды: у сонца, у хмары,
Ты глядзіш праз неба просінь.
Лашчыш слух мой, слова-ззянне,
Атуляеш сэрца ласкай,
Ноч і вечар, дзень, світанне,
Абняло ты, слова-краска.
Якуб Колас
21 сакавіка – Сусветны дзень паэзіі. Свята адзначаецца з 1999 года па рашэнні ЮНЕСКА з мэтай «надаць новы імпульс і новае прызнанне нацыянальным, рэгіянальным і міжнародным паэтычным рухам». 23 сакавіка аматараў паэзіі сабрала літаратурная гасцёўня “Вершы крочаць па планеце”.
Сусветны дзень паэзіі – цудоўная нагода яшчэ раз пацешыць сваю душу і розум прыгажосцю вершаванага радка. Дастаткова проста ўзяць з кніжнай паліцы любімы томік… Сіла слова валодае асаблівай энергіяй, якая кліча за сабой і падпарадкоўвае наша ўяўленне. Паэтычныя радкі, што нараджаюцца ў таямніцах душы, абуджаюць нас, акрыляюць, даюць сілы і веру ў сапраўднае, непадкупнае…
Прысутныя пазнаёміліся з гісторыяй узнікнення свята. Вучні пятага класа з цікавасцю расказвалі вершы Максіма Багдановіча, Яўгеніі Янішчыц, Пімена Панчанкі, Максіма Танка, Я. Коласа, Я Купалы. А колькі цудоўных песень напісана на вершы беларускіх паэтаў!
Пісаць вершы дадзена не кожнаму, бо, паводле выказвання М.Багдановіча: “душа ў паэта, калі спараджае ён дзіўныя вершы, нябесным агнём абагрэта…”. Але навучыцца разумець вершы, адчуваць прыгажосць самога жыцця можна. Гэтаму і вучыць нас паэзія.
Конкурс-віктарына “Я ♡ беларускую мову, кожны дзень – цікавыя словы”
І зноў чацвер… Па традыцыі адбылося цікавае мерапрыемства – конкурс-віктарына “Я ♡ беларускую мову, кожны дзень – цікавыя словы”. Як перакласці на беларускую мову слова “новоселье”? “Касач”- гэта што ці хто? Пра гэта і многае іншае даведаліся вучні пятых класаў, якія прынялі актыўны ўдзел у конкурсе, паспрабавалі свае сілы, многія папоўнілі свой лексікон новымі беларускімі словамі.
Дзеці засталіся вельмі задаволеныя, атрымалі салодкія падарункі і дыпломы. А памяць аб цікавым мерапрыемстве захавалі прыгожыя фотаздымкі.
Спадзяёмся, што мы зрабілі яшчэ адзін маленькі крок да роднай мовы.
Подробнее: Конкурс-віктарына “Я ♡ беларускую мову, кожны дзень – цікавыя словы”
Мой першы крок у навуку
9 сакавіка Філіпава Яна, вучаніца 10 класа, прыняла ўдзел у канферэнцыі “Мой першы крок у навуку” і выступіла перад вучнямі ўстановы адукацыі з дакладам на тэму “Роля англійскіх запазычанняў у сучаснай беларускай мове”. Яна паведаміла, што ў сучаснай беларускай мове назіраецца вялікая колькасць слоў, запазычаных з англійскай мовы. І гэта становіцца актуальнай праблемай у сучаснай беларускай мове, яна хвалюе як мовазнаўцаў, так і пісьменнікаў. Напрыклад, у вершы “Хвалебная песня навасловам” сучасны паэт Леанід Дранько-Майсюк узнімае актуальную праблему ўжывання запазычаных слоў і прапануе замяняць іх беларускімі навасловамі. Каб вырашыць праблему замены вялікай колькасці англіцызмаў беларускімі словамі, Яна прапанавала свой слоўнік наваслоў.
СЛОЎНІК НАВАСЛОЎ
АВЕРДРАФТ - ДАЕГРОШ
АКАЎНТ - СТАРОНКАКАРЫСТАЛЬНІК
АРТ–БУК - ВЫЯВАЗАХОЎШЧЫК
АСЭМБЛЕР - ПЕРАКЛАДАЛЬШЧЫК
АФЛАЙН - БЯССЕТНІК
БІЛБОРД - ІНФАШЫЛЬДАЧКА
БУКРЫДАР - ШМАТКНІЖНІК
ВЕЛНЭС - ЗДАРОЎЕЗБЕРАЖЭННЕ
ГАДЖЭТ - ЗРУЧНІК
ІНСАЙДАР– САКРЭТААХОЎНІК
ІНТЭРНЭТ - СЛОВАСВЕТ
КАМП’ЮТАР - АСВЕТАР
КАНСАЛТЫНГ- ТЛУМАЧАЛЬНІК
КАПІРАЙТАР – РАСПРАЦОЎШЧЫК
КЛІРЫНГ - УЗАЕМАРАЗЛІК
КРЭАТАР - НОВАСТВАРАЛЬНІК
МАБІЛЬНІК - ДАЛЬКАЖЫК
НЬЮСМЕЙКЕР – НАВІНАЗНАЎЦА
ПРЫНТАР- ВЫХОД
ТРЫЛЕР - ТРЫМЦЕННІК
САЙТ - АСОБНІК
ХЭНД-ФРЫ – ВАЛЬНАРУК
ЦЮБІНГ - КРУГАКАТ
Заклікаем усіх неабыякавых да лёсу роднай мовы людзей далучыцца да моватворчасці па замене англіцызмаў беларускімі навасловамі.
Народ, усе мы – моватворцы
(і адначасна нарматворцы),
Кладу канец вершагаворцы…
Пільную мову вокам, вухам:
Яна жывая - словарухам!
І словаруху – быць нязводным,
І заставацца слову - родным!
Алесь Каўрус
Акцыя “Разам супраць наркотыкаў”
У рамках акцыі “Разам супраць наркотыкаў” другога сакавіка Швабская Карына правяла для вучняў дзясятых класаў “Адкрыты мікрафон: Я кажу “Не” наркотыкам”, на якім прапагандавала каштоўнасці здаровага ладу жыцця сярод моладзі, арыентавала вучняў на пазітыўныя каштоўнасці праз іх уцягненне ў работу па прафілактыцы наркаманіі; стварала негатыўную ўстаноўку да ўжывання наркатычных сродкаў і іх аналагаў як спосабу рашэння сваіх праблем.
Гістарычная вандроўка “Ведаем. Памятаем. Ганарымся”
23 лютага вучні дзявятых класаў сталі ўдзельнікамі гістарычнай вандроўкі “Ведаем. Памятаем. Ганарымся”, прысвечанай Дню абаронцаў Айчыны. Старажытны цэнтр Магілёва багаты на памятныя мясціны, звязаныя з гераічнымі старонкамі гісторыі роднага горада. Краязнаўчы музей, плошча Славы, Алея Герояў … Бясспрэчна, гэтыя славутасці павінны быць вядомымі і блізкімі ўсім жыхарам нашага горада.
У жніўні мінулага года на агляднай пляцоўцы побач з лесвіцай, якая вядзе ў Падмікольскі парк, з’явіўся помнік Георгію Каніскаму. У другой палове XVIII стагоддзя і ён многа зрабіў для захавання і развіцця культуры і асветы на Магілёўшчыне.6 жніўня 1993 года Георгій Каніскі быў далучаны да ліку мясцовых святых. На Архірэйскім вале стаіць крыж у яго памяць, а на будынку былога архірэйскага палаца ўсталяваная шыльда са звесткамі пра яго жыццё.
Вандроўка атрымалася змястоўнай , цікавай , хвалюючай і незабыўнай. Кожны з удзельнікаў зразумеў, што гісторыя і памяць заўсёды побач з намі, бо гэта неад’емная частка нашага жыцця.
Подробнее: Гістарычная вандроўка “Ведаем. Памятаем. Ганарымся”
Гульня-конкурс “Буслік”
Штогод больш за 700 тысяч школьнікаў нашай краіны прымаюць удзел у конкурсах, агранізаваных Беларускай Асацыяцыяй “Конкурс”. 16 лютага вучні пачатковых і старэйшых класаў прынялі ўдзел у гульні-конкурсе “Буслік”. Усе ўдзельнікі мелі магчымасць праверыць свае асабістыя веды па беларускай мове і літаратуры адначасова са сваімі аднагодкамі з іншых школ краіны. Як заўсёды, заданні былі нялёгкія, але цікавыя, вучням давялося праявіць не толькі эрудыцыю, але кемлівасць і здагадлівасць. З нецярпеннем будзем чакаць вынікаў і спадзяёмся на поспех!
Дзень добры беларуская хатка
У межах адзінага дня беларускай мовы 9 лютага. Вучні 1 “В” класа наведалі дзіцячую бібліятэку, дзе прайшло мерапрыемства “Дзень добры беларуская хатка”.
У ходзе якога вучні пашырылі веды пра выгляд беларускай хаты, разгадвалі загадкі.
З цікавасцю прымалі ўдзел у спаборніцтвах, гулялі ў гульню “Бульба”.
Жывёлы лясоў Беларусі
У межах адзінага дня беларускай мовы 26 студзеня ў 1 “Г” класе прайшло пазакласнае мерапрыемства “Жывёлы лясоў Беларусі”. У ходзе якога вучні пашырылі веды аб дзікіх жывёлах роднага краю, разгадвалі загадкі, складалі невялікія апавяданні па малюнках. З цікавасцю прымалі ўдзел у гульнях “Перакладчык”, “Закончы сказ”, “Адзін-многа”.
Вучні актывізавалі слоўнікавы запас, даведаліся, як гучаць назвы дзікіх жывёл на роднай мове. Вынікам мерапрыемства стаў конкурс малюнкаў.
Класны кіраўнік 1 “Г” класа Гваздова С.П.
